ភ្នំពេញ ៖ នៅយប់ថ្ងៃទី១ ខែកុម្ភៈ ឆ្នាំ ២០២៣ នៅនៅវេលាម៉ោង ១២ : ៣៨ នាទីរំលងអាធ្រាត្រឈានចូលថ្ងៃទីខែ២កុម្ភៈ បុរសម្នាក់ត្រូវបានកម្លាំងគណៈបញ្ជាការឯកភាពសង្កាត់ចោមចៅទី១ ធ្វើការបង្ក្រាបនិងឃាត់ខ្លួន ពាក់ព័ន្ធប្រើប្រាស់ដោយខុសច្បាប់ នូវសារធាតុញៀននិងបម្រុងធ្វើសកម្មភាពគាស់ផ្ទះប្រជាពលរដ្ឋ ដែលស្ថិតនៅក្នុងដីឡូតិ៍ បុរី ញូហូម ភូមិត្រពាំងថ្លឹងទី១ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។
បើតាមការបញ្ជាក់ពីកម្លាំងគណៈបញ្ជាការឯកភាពសង្កាត់ចោមចៅទី១ ពួកគាត់បានឲ្យដឹងថាពួកគាត់ធ្វើការល្បាតនៅក្នុងមូលដ្ឋានសង្កាត់របស់ពួកគាត់រួចមកដល់ចំណុចខាងលើក៏ឃើញបុរសម្នាក់ដែលកំពុងអង្គុយសែបគ្រឿងញៀននៅកន្លែងកើតហេតុខាងលើ ក៏ពួកគាត់ធ្វើការសួរនាំនិងឆែកឆេរបានវត្ថុតាង។
វត្ថុតាងចាប់យក៖ សង្ស័យ ឧបករណ៍សំរាប់ប្រើប្រាស់គ្រឿងញៀនមួយចំនួននិងឧបករណ៍ផ្សេងៗទៀតជាច្រើនដែលជាឧបករណ៍សង្ស័យទុកធ្វើសកម្មភាពគាស់ផ្ទះប្រជាពលរដ្ឋ។
បច្នុប្បន្នជនសង្ស័យខាងលើ ឃាត់ខ្លួនយកទៅសួរនាំនៅប៉ុស្តិ៍នគរបាលរដ្ឋបាលចោមចៅទី១ ដើម្បីសួរនាំទៅតាមនីតិវិធីច្បាប់។
ការប្រើប្រាស់គ្រឿងញៀនបំផ្លាញអនាគតខ្លួនឯងនិងគ្រួសារក៏ដូចជាសង្គមជាតិ៕
