កោះកុង៖ នៅភូមិព្រែកស្វាយ (ឆ្មាបាត់) សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ព្រឹកថ្ងៃសុក្រ ទី២៤ ខែវិច្ឆិកា ឆ្នាំ២០២៣ ឯកឧត្ដម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានដឹកនាំនាយទាហាននៃកងរាជអាវុធហត្ថ អញ្ជើញចូលរួមពិធីដាក់កម្រងផ្កា និង គោរពវិញ្ញានក្ខន្ធសពមហាឧបាសិកា យិប ថាំកេសន ដែលត្រូវជាម្តាយក្មេករបស់ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដែលបានទទួលមរណៈភាពកាលពីថ្ងៃទី២០ ខែវិច្ឆិកា ឆ្នាំ២០២៣ វេលាម៉ោង ១២ និង ២០ នាទីក្នុងជន្មាយុ ៩៩ឆ្នាំ ដោយរោគាពាធ។
