ភ្នំពេញ ÷ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃកម្ពុជានិងលោកជំ ទាវពេជ ចន្ទមុន្នី ហ៊ុនម៉ាណែត បានអញ្ជើញចូលក្រាបបង្គំទូលសួរពីព្រះរាជសុខភាព និងគោរពថ្វាយព្រះពរដល់ព្រះអង្គទាំងទ្វេ នៅក្នុងព្រះរាជដំណាក់ព្រះបរមរាជវាំង.រាជធានីភ្នំពេញ នាព្រឹកថ្ងៃសុក្រ ទី៣ វិច្ឆិកា ២០២៣ ។
សម្តេចធិបតី បានបង្ហោះនៅក្នុងបណ្តាញសង្គមឆ្លាតវៃថា ទូលព្រះបង្គំ រួមជាមួយភរិយា ចូលក្រាបថ្វាយបង្គំគាល់ ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត នៅព្រះរាជដំណាក់ ដេីម្បីក្រាបបង្គំទូលសួរពីព្រះរាជសុខភាព និងគោរពថ្វាយព្រះពរដល់ព្រះអង្គទាំងទ្វេ។
រាជធានីភ្នំពេញ ព្រឹកថ្ងៃសុក្រ ទី៣ វិច្ឆិកា ២០២៣ ។
