ភ្នំពេញ ៖ សូរសំឡេងផ្ទុះអាវុធលាន់ឮផូងៗចេញពីក្នយងរថយន្តនៅវេលាម៉ោងជាង១២ថ្ងៃត្រង់ ថ្ងៃទី២៩ ខែកក្កដា ឆ្នាំ២០២៣នេះបណ្តាលឲ្យបនុស្សម្នាក់ស្លាប់ភ្លាមៗ។
ហេតុការណ៍ផ្ទុះអាវុធមួយនេះបានកើតឡើង នៅផ្លូវ៣៦០ ស្ថិតក្នុងសង្កាត់បឹងកេងកង៣ ខណ្ឌបឹងកេងកង។
បើតាមសេចក្ដីរាយការណ៍ជំហានដំបូងបានឲ្យដឹងថា ក្នុងហេតុការណ៍ផ្ទុះអាវុធនេះ បណ្ដាលឲ្យមនុស្សម្នាក់ស្លាប់ ដែលអ្នកស្លាប់នេះសង្ស័យជាជនបរទេស ខណៈមូលហេតុមិនត្រូវដឹងច្បាស់នៅឡើយទេ។
ប្រភពនៅកន្លែងកើតហេតុបានអះអាងថា ជនរងគ្រោះត្រូវបានខ្មាន់កាំភ្លើងជិះរថយន្ដមកបាញ់ប្រហារ រួចជិះគេចខ្លួនបាត់តែម្ដង។
បច្ចុប្បន្នកម្លាំងសមត្ថកិច្ចជំនាញកំពុងធ្វើការពិនិត្យ និងស្រាវជ្រាវនៅកន្លែងកើតហេតុ ដើម្បីស្វែងរកខ្មាន់កាំភ្លើង និងមូលហេតុការណ៍នៃហេតុការណ៍នេះ ចំណែកសពត្រូវបានធ្វើកោសល្យវិច្ច័យ៕
