ស៊ីហ្គេម២០២៣៖ គិតត្រឹមរសៀលថ្ងៃទី៦ ខែឧសភា កម្ពុជាបន្ដឈរលេខរៀងទី១ ទទួលមេដាយច្រើនជាងគេ ១៤គ្រឿង ក្នុងនោះមាសចំនួន៨, ប្រាក់ចំនួន៥ និងសំរិទ្ធ១

ភ្នំពេញ : ស៊ីហ្គេម២០២៣ ដែលកម្ពុជាធ្វើជាម្ចាស់ផ្ទះ គិតត្រឹមរសៀលថ្ងៃទី៦ ខែឧសភា កម្ពុជាបន្ដឈរលេខរៀងទី១ ទទួលមេដាយច្រើនជាងគេ ១៤គ្រឿង ក្នុងនោះមាសចំនួន៨, ប្រាក់ចំនួន៥ និងសំរិទ្ធ១ ។

កីឡាករផ្នែកសម្តែងជាក្រុមបុរស ៤នាក់ វិញ្ញាសារមេគុនអាវុធ (ដាវ) ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ នៅរសៀលថ្ងៃទី០៦ ឧសភា ២០២៣ ។

កីឡាករ លី ប៊ូរ៉ាមី បន្តឈ្នះមេដាយមាស លើវិញ្ញាសាសម្តែងកាំបិតធំ ដែលធ្វើបាន ២៧០ពិន្ទុ ហើយនេះជាមេដាយមាសទី២ របស់គេផងដែរ ផ្នែកកីឡាវ៉ូវីណាម នៃព្រឹត្តិការណ៍កីឡាស៊ីហ្គេម២០២៣។

លើវិញ្ញាសាសម្តែងកាំបិតធំ កីឡាករ លី ប៊ូរ៉ាមី រកបាន ២៧០ពិន្ទុ បានយកឈ្នះកីឡាករថៃ វៀតណាម និងមីយ៉ាន់ម៉ា។

ដោយឡែកកីឡាករ សៅ រិទ្ធចេស្ដា ដណ្ដើមបានមេដាយមាស ១គ្រឿងហើយ សម្រាប់ការប្រកួតកីឡាអេឡិចត្រូនិក វិញ្ញាសាឯកត្តជន Attack Online 2-Individual (AK2) នៃព្រឹត្តិការណ៍កីឡាស៊ីហ្គេម លើកទី៣២ នៅកម្ពុជា នៅសណ្ឋាគារណាហ្គាវើល (Naga World 2) នៅរសៀលថ្ងៃទី០៦ ខែឧសភា ឆ្នាំ២០២៣ នេះ។ ខណៈក្រុមថៃ ទទួលបានមេដាយសំរឹទ្ធ។

ស៊ីហ្គេម២០២៣៖ គិតត្រឹមរសៀលថ្ងៃទី៦ ខែឧសភា កម្ពុជាបន្ដឈរលេខរៀងទី១ ទទួលមេដាយច្រើនជាងគេ ១៤គ្រឿង ក្នុងនោះមាសចំនួន៨, ប្រាក់ចំនួន៥ និងសំរិទ្ធ១ ៕