ស្វាយរៀង : ឃាតកម្មដ៏សាហាវព្រៃផ្សៃ! ស្ត្រីម្នាក់ជាបុគ្គលបម្រើការងារនៅកាស៊ីណូ DYNASTY ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ត្រូវបានជនដៃដល់សម្លាប់ដោយកាត់ក្បាលចេញពីខ្លួន។
សមត្ថកិច្ចបានបញ្ជាក់ថា ហេតុការណ៍នេះភ្ញាក់ផ្អើលឡើងនៅវេលាម៉ោង០០.៤០នាទីថ្ងៃទី២០ ខែមេសា ឆ្នាំ២០២៣ កម្លាំងនគរបាលបានទទួលព័ត៌មានថាមានករណីឃាតកម្មនៅចំណុចបន្ទប់ជួលផ្លូវកំពង់ស្ពាន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
បើតាមសមត្ថកិច្ចបានឲ្យដឹងថា ជនរងគ្រោះឈ្មោះ ម៉ន ស្រីម៉ី ភេទស្រី អាយុ២៤ឆ្នាំ មុខរបរបុគ្គលិកកាស៊ីណូ DYNASTY មានស្រុកកំណើត ភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល ទីលំនៅបច្ចុប្បន្នស្នាក់នៅបន្ទប់ជួលភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
សភាពសាកសពត្រូវបានកាត់ក្បាលដាច់ចេញពីខ្លួន។
មូលហេតុ សមត្ថកិច្ចកំពុងធ្វើការស្រាវជ្រាវ។
ចំពោះករណីឃាតកម្មនេះ សមត្ថកិច្ចកំពុងធ្វើការស្រាវជ្រាវយ៉ាងយកចិត្តទុកដាក់ ដើម្បីតាមចាប់ឃាតយកមកផ្តន្ទាទោសតាមច្បាប់៕
