កំពង់ស្ពឺ : នាវេលាម៉ោង ០២និង ៣០នាទីយប់ថ្ងៃទី៣១ ចូលថ្ងៃទី១ ខែកុម្ភៈ ឆ្នាំ២០២៣ នៅចំណុចភូមិអូរវែង ឃុំកាហែង ស្រុកសំរោងទង ក្នុងស្ថានីយប្រេងឥន្ធនៈយីហោ LIM LONG ម្ចាស់ឈ្មោះ ង៉ុយ ហៀង បានបង្កជាអគ្គិភ័យឆាបឆេះបណ្ដាលមកពីរថយន្តដឹកប្រេងឥន្ធនៈមួយគ្រឿង ម៉ាកហ៊ីយ៉ិនដាយ ពណ៌ក្រហម-ស ស្លាកលេខព្រះសីហនុ 3A-5920 ដឹកសាំង ចំណុះ 26000 លីត្រ មកដាក់នៅក្នុងស្ថានីយ៍ខាងលេី ។
តាមការបញ្ជាក់ពីក្រុមកម្មករថា ពេលកំពុងបូមប្រេងចេញពីរថយន្ដចូលក្នុងពោងស្ដុកប្រេងចៃដន្យឆ្លងចរន្តអគ្គិសនីចេញពីម៉ាសុីនបូបផ្ទុះបែកផ្កាភ្លេីងឆាបឆេះតែម្ដង ឆេះចាប់ផ្ដេីមពីទុយោប្រេងរហូតដល់រថយន្ដប្រេងផ្នែកខាងក្រោយនឹងផ្ទុះកង់ចំនួនបួនគ្រាប់..។
ប្រតិបត្តិការជួយអន្ដរាគមន៍ពន្លត់រថយន្តដឹកសាំងប្រេីអស់លទ្ធភាពកំលាំងសរុបមធ្យោបាយសរុបទទួលបានជោគជ័យ “ការទទួលបានព័ត៌មានរហ័ស មានកំលាំងបំពេញកាតព្វកិច្ចល្អ “ពន្លត់ទប់ស្កាត់មិនអោយឆ្លងរាលដាលទៅទីតាំងផ្សេង ករណីខាងលេីមិនបណ្ដាលអោយរងគ្រោះដល់អាយុជីវិតមនុស្សឡេីយ។
ក្នុងនេះសមត្ថកិច្ចអន្ដរាគមន៍ ប្រើប្រាស់រថយន្តពន្លត់អគ្គីភ័យសរុបចំនួន ០៤ គ្រឿង រថយន្តរបស់ស្នងការដ្ឋាននគរបាលខេត្តកំពង់ស្ពឺ ០១ គ្រឿង រថយន្តរបស់អធិការដ្ឋាននគរបាលស្រុកសំរោងទង ០១គ្រឿង រថយន្តរបស់អធិការដ្ឋាននគរបាលស្រុកភ្នំស្រួច ០១គ្រឿង រថយន្តរបស់អធិការដ្ឋាននគរបាលក្រុងច្បារមន ០១គ្រឿង៕
