កម្ពុជាទទួលរងឥទ្ធិពលព្យុះទី១៣ឈ្មោះប៊ីបីនកាធ្វើឱ្យមានភ្លៀងធ្លាក់ទូរទាំងប្រទេស

ក្រសួងធនធានទឹក និងឧតុនិយម បានឱ្យដឹងថា ព្យុះទី១៣ឈ្មោះ ប៊ីបីនកា (Bebinca) និង​សម្ពា​ធ​ទាប​ដែល​គ្របដណ្តប់លើឈូងសមុទ្របេងហ្គាល់ (Bay of Bengal) មានឥទ្ធិពលលើខ្យល់មូសុងនិរតី ដែល​បក់លើសមុទ្រអានដាមម៉ែន (Andaman Sea) ឈូងសមុទ្រថៃ ខណៈសម្ពាធទាបគ្របដណ្ដប់​លើភាគ​កណ្តាលនៃអាងទន្លេមេគង្គ សមុទ្រចិនខាងត្បូង និងលើប្រទេសកម្ពុជា។ កត្តាបែបនេះ នឹងធ្វើឱ្យកម្ពុជា​អាច​មានភ្លៀងធ្លាក់ជាមួយផ្គរ រន្ទះ និងខ្យល់កន្រ្តាក់នៅទូរទាំងប្រទេសដោយគ្រប​ដណ្តប់លើផ្ទៃពី​៥០​ភាគរយទៅ៦៥ភាគរយ ចាប់ពីថ្ងៃទី១២ ដល់ថ្ងៃទី១៤ ខែកញ្ញា ឆ្នាំ២០២៤៕