បន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា មានសិស្សសាលា ៣ នាក់ ចេញពីរៀន ធ្វើដំណើរតាមបណ្តោយផ្លូវជាតិលេខ ៥ ឆ្ពោះទៅកាន់ផ្ទះរបស់ខ្លួន មិនប្រយ័ត្ន ក៏បានប៉ះដៃចង្កូតជាមួយរថយន្តមួយគ្រឿងបានបណ្តាលឱ្យដួលបោកទៅនឹងផ្លូវ ។
សេចក្តីរាយការណ៍ បានបញ្ជាក់ថាបន្ទាប់ មកក៏មានរថយន្តមួយគ្រឿងទៀត មកពីក្រោយក៏បានកិនពីលើសិស្សស្រីមួយរូប បណ្តាលឱ្យរងរបួសធ្ងន់ និងត្រូវបានបញ្ជូនទៅមន្ទីរពេទ្យភ្លាមៗ ប៉ុន្តែ មានសង្ឃឹមតិចតួចបំផុត។
ករណីខាងលើនេះ កើតឡើងនៅតាមបណ្តោយផ្លូវជាតិលេខ ៥ ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ នៅវេលាម៉ោង១០:៥ នាទីព្រឹកមិញនេះ៕
